الاثنين، 17 ديسمبر، 2012

ابتسم.

ابتسم..أخبرني، لِمَ لا تبتسم؟!
هل تعلم أنَّ "تكشيرتك" لن تغير من واقعك شيئاً؟! نعم تعلم.إذاً لماذا تعبس في وجوه الآخرين ؟ بينما بإمكانك أن تبتسم.
 أنت مش هتخسر بابتسامتك أيّ حاجة ..
 دا الرسول -صلى الله عليه وسلم- قالك :"تبسمك في وجه أخيك صدقة"..
ده أنت بعمل بسيط زي ده هتنول ثواب يعادل ثواب صدقة .
ابتسامتك دي ممكن تفرح شخص مهموم، ممكن تفرح شخص بيحبك وعايزك تبتسم دايماً ..
 ابتسامتك في وجوه الناس من أحسن أنواع العطاء لهم.. دي كمان ممكن تتفوق على العطاء المادّي .. 
ابتسامتك في وجه الناس وأنت بتكلمهم هتساعد إن المعلومة توصل أسرع وإن محدش يكره إنه يتناقش معاك ..

بالابتسامة ممكن تفرح عامل بيكنس الشارع في حر الشمس .. ممكن تفرح المدرس المناوب وواقف عند باب المدرسة وأنت داخل .. 

باختصار ممكن تسعد اللي حواليك وتسعدك أنت كمان ..
فلو سمحت لما تصحى من النوم ونفسك توسوسلك إنك تكشر وتتنكد عالصبح عاندها وابتسم.في النهاية : ابتسم دي ابتسامتك شكلها أحلى مش هتكلفك أي حاجة ..
قال صلى الله عليه وسلم : "لا تحقرن مِن المعروف شيئاً ولو أن تلقى أخاك بِوجهٍ طلق "أتمنى تكونوا مبتسمين وأنت بتقرأوا الموضوع .. ابتسمتوا ؟ لأ ؟ طب ابتسموا ، شفتوا مخسرتوش حاجة. :D

هناك تعليقان (2):

  1. بجد إبتسمت وعيني دمعت وأنا بقرأ البوست ده أنت جميلة أوي يا خديجة ،، بحبك أوي :* :* ربنا يسعدك ويفرح قلبك ديماً و يتقابلي الناس يفضلوا يضحكوا ويفرحوا قلبك طول الوقت مش بس يبتسموا :* ❤

    ردحذف
    الردود
    1. حبيبتي يا خوخة وربنا أسعدتيني بتعليقك وكلامك :') ربنا يخليكي ليا يارب وربنا يسعدك طول عمرك وعند لقاءه :) <3

      حذف